منتديات احلي الاوطان
مرحبآ بك زائرنا العزيز
انت محروم من اشياء كثيره ادخل هنا لتحصل علي المميزات كامله
نتشرف بك بالتسجيل فى منتدانا ومنتداك احلي الاوطان
ادارة المنتدى
منتديات احلي الاوطان
مرحبآ بك زائرنا العزيز
انت محروم من اشياء كثيره ادخل هنا لتحصل علي المميزات كامله
نتشرف بك بالتسجيل فى منتدانا ومنتداك احلي الاوطان
ادارة المنتدى
منتديات احلي الاوطان
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات احلي الاوطان


 
الرئيسيةالتسجيلدخول

 

 قصيدة سيدى الرئيس

اذهب الى الأسفل 
كاتب الموضوعرسالة
ahmed
مشرف
مشرف
ahmed


عدد المساهمات : 95
نقاط : 263
تاريخ التسجيل : 14/04/2011

قصيدة سيدى الرئيس Empty
مُساهمةموضوع: قصيدة سيدى الرئيس   قصيدة سيدى الرئيس Icon_minitimeالخميس أبريل 28, 2011 9:35 pm

سيادة الرئيس ... ...ارجعلنا
مش إنت واحد مننا ؟
و عمرك في يوم ما سرقتنا
و لا خدت مليم مننا
ما تيجي طب ترجعلنا
......تقعد بأهلك وسطنا
أهو مرة تاكل أكلنا
و تلبس يا خويا من لبسنا
و تعيش في حارة أو في شارع زيينا
قلت إيه ؟؟ يا حارق دمنا

***
سيادة الرئيس ... ارجعلنا
و غداك يا سيدي عندي أنا
رز و بطاطس مسرطنة
لحمة ؟؟ ... مفيش من سنة
فاكهة ؟؟ ... تعيش إنت و أنا
و الشاي .. بآخر معلقة من السكر إللي كان عندنا
اشرب و فوق و ركز بقى .. علشان نكمل حكيّنا

***
سيادة الرئيس ... ارجعلنا
مش سبت الحكم .. لأجلنا ؟؟
ما تيجي تسمع حكمنا !!
أفكرك ؟؟ و لا إنت فاكر زيينا
قطر اتحرق من كام سنة
و غازنا إللي طار من أرضنا ... لعدونا
و عبّارة مللي بيغرقوا ..!! غرقت في عرض البحر و راحوا أهلنا ... و الجاني فلسع مننا
و مركبة بأحلى شباب ... ييجوا من إيطاليا غرقانين .. و القرش ياكل لحمنا
و الله كانوا زيينا
و يمكن أحسن مننا
ليهم بيوت و ولاد و عيشة و حلم .. زي حلمنا
اتغربوا و اتبهدلوا .. لما الفساد طال كل حاجة في أرضنا
و إللي ما ماتش .. قاعد في غربته .. و الغريب بيذلنا
أقول كمان ؟؟ و لا كفاية ... و أهو إنت عارف عننا
اصبر هتسمع حكمنا

**
سيادة الرئيس ... ارجعلنا
و لو إنت واحد مننا
فعلا يهمك أمرنا
بينا عالنائب العام .. تفتنله على ولاد الحرام ... مصوا بلدنا و دمنا
و افتن دي فتنة مهيش حرام .. ده حقنا
دا لو إنت واحد مننا
اصبر هتسمع حكمنا

***
سيادة الرئيس ... ارجعلنا
اقعد معانا و زيينا
هعرفك .....
دي (أم خالد) أمنا
و دول أهل (سالي) أهلنا
و (عمر بن بنونة ) إبننا
فسر و احكي و قوللهم .. و قوللن
و استسمح الروح إللي منورة في الجنة عند ربنا
هتقول مكنش قصدنا ؟؟
دول ماتوا غصب عننا ؟؟
كداب و فاجر .. و إللي يصدقك زيك .. و الكدب ريحته منتنة
تتشل إيد إللي ضرب .. و إللي أمر .. و عليكوا لعنة ربنا
اصبر هتسمع حكمنا

***
أيوه بقول ارجع لنا
ياللي سرقت حلمنا
و غربتنا و نهبتنا ... و في كل حتة أهنتنا
إحنا إللي سال دمنا
في الأربعين و اسكندرية و التحرير يشهدلنا
آدي القفص ... أقف هنا
و الشعب يحكم .. مش أنا
صدقني ... هي بيّنة

من فوق سبع سماوات .. قالها ربنا
العين بالعين و السن بالسن ... و هو ده بقى حكمنا ... و مفيش غيره عندنا
الرجوع الى أعلى الصفحة اذهب الى الأسفل
 
قصيدة سيدى الرئيس
الرجوع الى أعلى الصفحة 
صفحة 1 من اصل 1
 مواضيع مماثلة
-
» قصيدة لن اسلم رايتى لفاروق جويده
» قصيدة اسلمى يا مصر
» قصيدة الجمهره - للشاعر حامد زيد
» قصيدة ودى اموت اليوم -للشاعر حامد زيد
» قصيدة تستهنين فينى _للشاعر حامد زيد

صلاحيات هذا المنتدى:لاتستطيع الرد على المواضيع في هذا المنتدى
منتديات احلي الاوطان  :: المنتديات العامه :: الشعر والادب-
انتقل الى: